Առողջապահական համակարգի ամրապնդման և կայունացման (ԱՀԱԿ) խորհրդատվական աշխատանքային խմբի գործառույթներն են`
- ՄՀՀ-ին տրամադրել համապատասխան խորհրդատվություն` առողջապահության համակարգի բարեփոխման առաջնահերթությունների վերաբերյալ (համակարգի պլանավորում և կառավարում, ֆինանսավորման մեխանիզմներ և ֆինանսական կառավարում, համընդհանուր առողջապահական ծածկույթ, առողջության առաջնային պահպանման (ԱԱՊ) և համայնքահեն ծառայությունների ամրապնդում, ՄԻԱՎ/ՁԻԱՀ և տուբերկուլոզային ինտեգրված ծառայությունների ներդրում, մոնիտորիգի և գնահատման համակարգի ամրապնդում, մարդկային ռեսուրսների զարգացում, մատուցվող ծառայությունների որակի բարելավում, թվային առողջապահական համակարգերի զարգացում, մասնավոր հատվածի ներգրավվածության ապահովում, լաբորատոր համակարգի զարգացում և այլն). ինչպես նաև ներկայացնել առաջարկներ Գլոբալ հիմնադրամի ծրագրի շրջանակներում վերոնշյալ գործընթացներին հնարավոր աջակցության վերաբերյալ:
- ՄՀՀ-ի պահանջով կազմել Գլոբալ հիմնադրամի ֆինանսավորման փուլերի համար ԱՀԱԿ ոլորտում անհրաժեշտ միջոցառումների առաջարկների նախագծեր,
- Մասնակցել ՄՀՀ-ի կողմից ստեղծված գնահատման և ընտրության հանձնաժողովների աշխատանքներում,
- Մասնակցել ՄՀՀ-ի կողմից իր տարեկան ծրագրում ներառված վերահսկման և մոնիթորինգի և գնահատման աշխատանքներում,
- Իրականացնել ԱՀԱԿ ոլորտում ՄՀՀ-ի կողմից հանձնարարված այլ տեխնիկական աջակցություն:
Առողջապահական համակարգի ամրապնդման և կայունացման խորհրդատվական աշխատանքային խմբին ներկայացվող պահանջներն են`
- Առողջապահական համակարգի բարեփոխումների ոլորտում ներգրավված հանրային առողջապահության մասնագետներ, հասարակական կազմակերպությունների, միջազգային տեխնիկական աջակցության գործակալությունները, դոնոր կազմակերպությունների ներկայացուցիչներ,
- ԱՀԱԿ խորհրդատվական աշխատանքային խմբի անդամների ցանկը հաստատվում է ՄՀՀ-ի կողմից,
ԱՀԱԿ խորհրդատվական աշխատանքային խմբի կազմում Ենթաստացող կազմակերպությունների մասնակցության դեպքում անհրաժեշտ է հետևել շահերի բախումը բացառող ընթացակարգերին: